اي نوع من الأطفال كنت

الطفل البريء ..

في البيت تلاقيه حبب وطبيعي 100 %

لكن مع دخوله المدرسة .. ( تنمحي ) شخصيته ..

فتكثر الاصابات في وجهه .. لأنه مايدافع عن نفسه ..

الطفل العنيد::

يطبق نظام البيت بالعكس .. يسوي اللي براسه ..

مايخاف من الماما او البابا .. لو قلت له هذا خطر لاتقربه .. عناد فيك يسويه ..

ياكثر مايضرب في طفولته .. ومع ذلك عنيد مايغير رايه ..

الطفل الحنّـان ::

يستخدم وسيلة الحنة لتلبية رغباته

له نغمه خاصه في البيت..

تلبى رغباته غصب عنك .. يعانون اهله من الصداع المستمر ..

الطفل المادي::

هذا الطفل مايرد السلام الا ( بفلوس ) ..

تعامله مع اهل البيت .. مادي بحت ..

يستخدمونه لتوصيل طلبات المنزل .. ونقل السوالف.. وكل شي بحسابه ..

الطفل الفتان::

تلاقي عند هذا النوع جميع اخبار البيت ..

يلاقي المتعه في اذلال غيره بالفتنه عليه .. ماله خاتمه ..

هذا الطفل حتى لو شريت سكوته بفلوس ..

توقع تلقى اخبارك ثاني يوم في الصفحه الرئيسية .. في الجريدة الرسمية ..

الطفل الدلوع::

هذا دلوع ماما وبابا .. يكرهونه باقي الاطفال لانه مرفه وشايف نفسه عليهم..

تلبى رغباته قبل ليطلبها .. شخصيته اتكاليه جداً ..

الطفل العلة::

يزعجك بأسئلته الي ماتنتهي .. يستفسر من كل شي .. حتى لو عطست ..

قالك شلون عطست .. وليش عطست .. وشلون تكونت العطسه ..

يحرجك احياناً .. ويمكن دائماً بأسئلته .. مره تجاوب عليه ومره تسفهه ..

واكثر الاوقات ماتلقى اجابه لاسئلته .. لانك في الحقيقه تجهلها ..

الطفل الداج::

هذا الطفل مستحيل يجلس في البيت..

يعيش في الشارع اكثر من بيته .. خبره ودليل في كل ممر وطريق ..

يعرف طول الشارع بالسنتيمتر .. من الممكن ان يصبح اذا كبر مهندس طرق ..

الطفل الملسون::

يستانسون اهله على سوالفه .. فصيح جداً ..

ويلقط العبارات والمفردات بسرعة مذهله ..

يسبب احراج دائم لأهله .. يمكن يقول كلمة بالغلط للضيوف او الاقارب ..

يتميز احياناً بقلة الذووق والوقاحة اذا انفعل ..

لاينصح بأستفزازه ابداً ..

الطفل اللزقه::

تلقاه مسنتر عند باب البيت .. محد يطلع الا وهو لازق معاه ..

حتى الضيوف من الممكن تلقاه يلزق فيهم ويطلع معاهم ..

ياكثر ماينضرب .. وخاصه من اخوانه اللي اكبر منه .. او خواته ..

لانه عباره عن رادار على طلعاتهم ..

احياناً يضطرون يطلعون من شباك البيت للهروب منه ..

ولكن للأسف يلاقونه بانتظارهم في السيارة ..ويسألهم ليش تأخرتوا عليّ ..

الطفل الهادي::

هذا الطفل ماله صوت ابد .. وين ماتحطه تلقاه ..

احياناً يهملونه اهله .. لانهم ناسينه ..

واحياناً يلقى اهتمام زائد من اهله ..

لو يموت من الجوع ماتكلم ..

في كثير من الاحيان تلقى اهله ناسينه بالسوق او عند الاقارب اثناء الزيارات ..

الطفل القوي::

اهله دائماً في احراج و مشاكل مع الناس ..

هرمون الاجرام مرتفع بنسبة عالية في جسمه ..

في كل جبهة طفل في ( منطقتهم ) تلقى له أثر وتوقيع ..

يمثل القائد والفتوه .. يهابونه الاطفال ..

يتقرب منه الكبار ويتوددون له حفاظاً على سلامة اطفالهم

كل اللي يدخل يقول اي نوع من الأطفال كان

انا كنت الطفل البريء بس مو في البيت Twisted Evil

هههههههههه
كلهم لهم ايجابياتهم و سلبياتهم
اني قلت بشووف احسن واحد بقول لكم انه هذا اني يوم اني صغيرة
بس ما لقييت .. لووول

يسلموو خيتوو
يعطيش العافية

انا صفاتي تاخذ من طفل العنيد وطفل البرئ

موضوع حلوو ومميز ولك احلى تحية

والله انا كنت ماخة كل نووووووووع هههاي

يسلمووا بنت الموسوي

هههههههههههههههه حلو الموضوع خيه تسلمي لي

صراحه انا فيني من الطفل الحنان ====((فيش من الحنان الا حناااانه)) واللزقه بعد ههههههه بس ماالزق الا في الوالد الله يحفظه حتى العمل رحت معاه مرتين Very Happy

واكره مره طلعت مع ابوي وتأسفت كان المشوار في الحلاق ملييت من الانتظار لو ماكان فيه عصفور كان انتحرت Razz

صايره ثرثاره ماعليه تحمليني المزاج متفتح الله يدومه Basketball

احترامي مع همسة ود

امممممممم

حلو الموضوع

انا صراحه احس اخذمن كل بحر قطره الا الحنّان خخخ مافيني هحنه ابد

يعني لو اقول ابي هذا وقالو لي لا
خلاص اسكت واتحطم من الداخل

يسلموووو ينوته على الطرح

سمو الروح

» طرق بعض النساء في تنويم الأطفال
» مص الإصبع يضر بنمو أسنان الأطفال