معرس وفرحان ما يدري شوراه

للشاعر كريم الحاج فليح

معرس وفرحان ما يدري شوراه

غيـر واق او ويق والمميـــــــه

ــــــــــــــــــــــــــــــــــــ

بالعرس فرحان ومكحل الـﭼفــن

ما دره برجليه دخلّنـــــه السجن

ما دره يشت عـﮕله باﭼر لو يجن

وما دره باﭼـر شنــو تاليــــــه

ــــــــــــــــــــــــــــــــــــ

يلوﮒ قاطه عليه ولَفّت ربطته

والله ومتاني أخونه زفتـــــــه

قَفصته الدنيه بالهم قفصتـــــه

وراح يتحسف على ماضيه

ــــــــــــــــــــــــــــــــــ

ﭼان ﮔبل العرس بس يأمر أمر

يلبس أحله هدوم ويحط العطر

وين لكلاسيكي ﮔله والحصر

هسه يصرخ منهو يرحم بيه

ـــــــــــــــــــــــــــــــ

راح يمعود تـــره ﮔلبـــك يشيـــب

وراح يخلص راتبك بس عالحليب

وعالدوه يا صاحبي وبس عالطبيب

وراح تخلــص عنــدك الماليــــه

ـــــــــــــــــــــــــــ

هســـه جيبك يا صديقي ينشفـــط

يخلص أعله الغاز تالي وعالنفط

ومن تـﮕلك صرت حامل تنشحط

تـﮕلهه حيل أعلــــه الطفل مابيــه

ــــــــــــــــــــــــــــــــ

ﮔوم للسونار أخذني تـﮕله ﮔــــوم

والطبيبه أمنالفحص جابت عـلوم

مبارك تـﮕله المَـره حامـل بتــوم

والضغــط عنــده أرتفــع للميـــه

ــــــــــــــــــــــــــــ

شلون ورطه تورطت يبن الحال

راحت أيـــــام المعزه والـــدلال

ومــا تـردلـك لا بعد والله محال

وصير من دون الخلـﮛ عاريه

ــــــــــــــــــــــــ

شفته يمشي وشايل العلاﮔــه

وحايربهالبيت وبمسواﮔـــــه

بعــد مـا يعرفني من نتلاﮔــه

حـﮕـه دايخ ما يسلــــم عليه

ـــــــــــــــــــــــــــ

أنــه هــم مثلك نهبنـي البَيبي

سليبـي حفاظاته كلهـه سليبي

ومن وره الحفاظه فَلس جيبي
بلـﭼن و يوَزعوهـه بــالكميه
ـــــــــــــــــــــــــ

شلون ياربي أصيح أبهالبـــلاء

نوب فوﮒ الضيم ضيم الكهرباء

أنام فوﮒ وفوﮔنـه بــــس السماء

والله يستــر لـو تمــــر شرجيه

ـــــــــــــــــــــــــــ

وياك نتشاقه يمن نـاوي الـزواج

لا تـﮕلول العرسوا صاروا زواج

هـذا نص دينك بعـد ماكو عـواج

وكــون كـل حـاجـه الك مـﮕضه

هههههههههههههه

حلووووووة

يسملوا فاطمة الهوى عالمشاركة الحلوة